"Tashkent Indeks"дан талабалар учун автобуслар қатнови йўлга қўйилди

Хабарингиз бор, Тошкент шаҳар ҳокимлиги ташаббуси билан бугундан бошлаб "Tashkent Indeks" ётоқхонасига 600 дан ортиқ талаба-қиз жойлаштириш бошланган эди.

“Тошшаҳартрансхизмат” АЖ Ахборот хизматининг хабар беришича, жорий йилнинг 19 сентябрь кунидан бошлаб, АЖ томонидан ётоқхонага элтувчи учта янги йўналиш йлга қўйилди:

• "Tashkent Indeks" талабалар ётоқхонаси – 3-метро бекати”
• "Tashkent Indeks" талабалар ётоқхонаси – 4-метро бекати”
• "Tashkent Indeks" талабалар ётоқхонаси – 5-метро бекати” вақтинчалик автобус йўналишлари ҳаракати ташкил этилди.

Ушбу автобус йўналишлари талабаларни тўғридан-тўғри "Ташкент Индекс" талабалар ётоқхонасидан ўқув манзилларига етиб олишлари ҳамда турар жойларига қайтиб келишлари учун махсус ташкил этилган бўлиб, мазкур йўналишда хизмат кўрсатиш ҳуқуқи вақтинчалик навбатдаги тендерга қадар Жамиятнинг "4-Автобус саройи" ва "12-Автобус саройи" филиалларига бириктирилди. Йўналишдаги жадваллар сони ИСУЗУ русумли автобуслар асосида 6та этиб белгиланганлигини маълум қиламиз.