Қирғизистон Миллий хавфсизлик давлат қўмитаси раиси Камчыбек Ташиев мамлакатда қарийб 20 йилдан бери фаолият юритаётган Хитой компанияси вакилларининг давлат тилини билмаслигини кескин танқид қилди.
«20 йилдан бери ишлайсиз, лекин қирғизча гапира олмайсиз? Ўрганинг!» — деди у.
Ташиевнинг таъкидлашича, Қирғизистонда узоқ йиллар фаолият юритаётган ҳар қандай хорижий компания давлат тилига ҳурмат билан қараши ва камида мулоқот даражасида уни билиши шарт.
