Суриянинг Лозкийе вилоятида ўрмон ёнғинлари билан кураш давом этмоқда

Сурия шимолидаги Лозкийе (Латакия) вилоятининг Туркмендағи туманида жойлашган Башура қишлоғи яқинида содир бўлган йирик ўрмон ёнғини устидан назорат ўрнатиш ишлари ҳали ҳам давом этмоқда.

Суриянинг SANA ахборот агентлиги хабарига кўра, ёнғин жума куни кечқурун бошланган ва мураккаб рельеф ҳамда кучли шамол туфайли тезда катта ҳудудга тарқалган.

Фуқаро муҳофазаси кучлари, шунингдек Фавқулодда вазиятлар ва табиий офатлар оқибатларини бартараф этиш вазирлигига қарашли ўт ўчирувчи отрядлар ёнғиннинг аҳоли пунктларига ва қишлоқ хўжалиги ерларига яқинлашишининг олдини олиш учун ҳаракат қилмоқда.

Вилоят фуқаро мудофаа маркази раҳбари Маҳмуд аш-Шурнайқийнинг айтишича, ўт ўчирувчилар жиддий қийинчиликларга дуч келмоқда:

“Башур ҳудудидаги ёнғинни ўчиришни ўта мураккаб рельеф ва шамол кучайиши янада қийинлаштирмоқда”, — деди у.

Шунингдек, у айрим ҳудудларда жанглардан қолган портламаган ўқ-дорилар топилганини, бу эса ишларни янада эҳтиёткорлик билан бажаришни талаб қилаётганини қайд этди. Унинг сўзларига кўра, ёнғинни ўчириш учун мавжуд барча ресурслар саф мобилизация қилинган.

“Гуруҳларимиз тўлиқ қувват билан ишламоқда. Яқин соатларда ёнғинни ўчириш ва ҳудудни совутиш бўйича ижобий натижаларга эришишга умид қиляпмиз”, — дея қўшимча қилди аш-Шурнайқий.

Ўтган ёзда Лозкийенинг шимолий ҳудудларида содир бўлган кенг кўламли ўрмон ёнғинлари катта экологик ва қишлоқ хўжалиги зарарига сабаб бўлган эди. Шу боис расмийлар ҳудуддаги ёнғинлар хавфини камайтириш мақсадида тезкор чораларни кучайтирган.