Суриянинг жанубий Эс-Сувейда вилоятида друз ва бедуин етник гуруҳлари ўртасида юз берган қуролли тўқнашувларда камида 30 киши ҳалок бўлди, яна 100 нафарга яқини тан жароҳати олди. Бу ҳақда мамлакат Ички ишлар вазирлиги расмий баёнот берди.
Маълум қилинишича, тўқнашувлар Макаус ҳудудида, давлат тузилмалари йўқлиги ва хавфсизлик бўшлиғи туфайли келиб чиққан.
«Зўравонликнинг давом этиши жамиятда катта ташвиш уйғотмоқда, кўплаб деэскалация чақириқларига қарамай», — дейилади баёнотда.
Вазирлик воқеалар фуқаролар хавфсизлигига бевосита таҳдид солаётганини ва ижтимоий ҳамжиҳатликка жиддий зарар етказаётганини таъкидлади. Воқеа жойидаги вазиятни барқарорлаштириш мақсадида Ички ишлар вазирлиги ва Мудофаа вазирлигига қарашли кучлар ҳудудга юборилди.
«Қуролли тўқнашувларда иштирок этган барча шахслар суд органларига топширилади», — дейилади расмий баёнотда. Шунингдек, бу каби воқеаларнинг яна такрорланишини олдини олиш учун барча зарур чоралар кўрилиши маълум қилинди.
Маҳаллий манбаларга кўра, тўқнашувлар ҳар икки томон вакилларининг бир-бирларига тегишли автомашиналарни олиб қўйиши ортидан бошланган. Низо тез орада оғир қуроллар қўлланилган шафқатсиз жангларга айланди.
Мактабларда 1 сентябрдан смартфондан фойдаланиш тақиқланади
АҚШ Конгрессига номзод Валентина Гомес Қуръонни ёқиб юборди
Парaцетамолнинг кутилмаган ножўя таъсири аниқланди
