Сурияда рўй берган портлашда беш киши ҳалок бўлди

Сурия шимоли-ғарбидаги Идлиб вилоятида ўқ-дорилар омборида юз берган портлашда беш киши ҳалок бўлди, тўққиз киши жароҳатланди.

Бу ҳақда вилоят ички хавфсизлик кучлари қўмондонлигига таяниб Syria TV телеканали маълум қилди.

Маълумотларга кўра, воқеа жойида тегишли идоралар ходимлари воқеа оқибатларини бартараф этиш учун ишламоқда.

Жароҳатланганлар касалхонага ётқизилган.

Аввалроқ телеканал Идлиб вилоятининг Кафр Тахарим шаҳридаги ўқ-дорилар омборида кучли портлаш содир бўлгани ҳақида хабар берганди.