Сурия шимолида, Туркия билан чегарадан 10 км узоқликда жойлашган Аазаз шаҳрининг бозор майдонида бомба ўрнатилган автомобилнинг портлаши оқибатида камида 10 киши ҳалок бўлди.
«Report» нинг «Al Mayadeen» телеканалига таяниб хабар беришича, агар қутқарувчилар вайроналарни тозалашда давом этаётгани инобатга олинса, ҳалок бўлганлар, жумладан, тинч аҳоли вакиллари сони ортиши мумкин. Воқеа жойида ўт ўчириш бригадалари ишламоқда.
Ҳодиса оқибатида 23 киши тан жароҳати олиб, маҳаллий шифохонага ётқизилган.
