Сурия расмийлари баъзи позициялар устидан назорат тикланганини эълон қилди

Сурия ҳукумат кучлари Идлиб ва Алеппо чеккасидаги исёнчилар позициялари устидан назоратни тиклаганини маълум қилди.

Бу ҳақда Суриянинг SANA давлат ахборот агентлиги маълум қилди.

"Бизнинг кучларимиз қуролли гуруҳларнинг йирик ҳужумини қайтаришда давом этмоқда" - деди Сурия армияси ва "баъзи позициялар устидан назоратни тиклашга муваффақ бўлди".

Шу билан бирга, Al Jazeera телеканали Сурия давлат матбуоти маълумотларига таяниб, суриялик исёнчиларнинг Алеппога қилган ҳужуми натижасида камида тўрт киши ҳалок бўлганини хабар қилмоқда. Маълумотларга кўра, айни пайтда исёнчилар Сурия шимоли-ғарбидаги ҳукумат кучлари назоратидаги позицияларга ҳужумни кучайтирган.