Сунъий интеллект томонидан яратилган расм 5 минг долларлик танловда ғолиб бўлди, уни танловга юборган сураткаш мукофотдан воз кечди
DALL-E яратган сурат орқали немис фотографи Борис Элдагсен нуфузли танлов — Sony World Photography Awards'да ғолиб бўлган. Бироқ у бу ишни сунъий интеллект ривожланаётган даврда ташкилотчилар фотографиянинг келажаги борасидаги саволларга эътибор қаратиши учун атайин қилганини айтган. У мукофотдан воз кечган ва содир бўлган воқеани сунъий интеллект билан боғлиқ муаммо аллақачон бошланганига исбот деб таъкидлаган.
