Тошкент халқаро аэропортида божхона ходимлари синтетик наркотикларни гўёки биологик фаол қўшимча сифатида олиб киришга уринган қўшни давлат фуқаросини тўхтатиб қолишди.
Божхонадан “яшил” йўлак орқали ҳаракатланган ушбу шахснинг сумкасида спортчилар озуқаси сифатида истеъмол қилинадиган 2 қути биологик фаол қўшимчалар божхоначиларнинг диққатини тортди.
Мазкур қутиларга қадоқланган капсулалар аслида оқ рангда ишлаб чиқарилади. Ва қадоғига кўра, уларда жами 760 дона капсула бўлиши лозим эди.
Аммо, ҳар иккала қутидаги жами капсулалар сони 920 донани ташкил қилди. Боз устига, капсулалар ҳам оқ рангда эмас, балки сариқ ва қизил рангларда эди. Бу эса қутиларга жойланган капсулалар қўлбола тарзда қадоқланганини англатади.
Божхона қўмитаси Марказий божхона лабораториясининг эксперт хулосасига кўра, мазкур капсулаларга жойланган модда "Альфа PVP" туридаги синтетик наркотик модда эканлиги фош бўлди.
Мазкур гиёҳвандлик воситаларининг қора бозорида чакана нархи 350 минг доллларгача етади!
Фақатгина шу эмас - "Тошкент-Аэрпо" ИБК тезкор тузилмалари томонидан тезкор тадбир Юқоричирчиқ туманида давом эттирилиб, ушбу йўловчи кейинчалик "закладка" усулида тарқатиш учун мўлжалланган гиёҳвандлик воситасини яшириб кетган манзил-ҳавола ҳам аниқланди.
Кўздан пана, чет ва хилват жойдаги ушбу манзил белгиланган тартибда ва холислар иштирокида кўздан кечирлиганида, 1 дона полиэтилен пакет кўмиб қўйилгани фош бўлди. Унда эса бир неча бўлакларда оғирлиги тахминан ярим килограм “гашиш” моддаси борлиги аниқланди.
Ҳолат юзасидан божхона органлари томонидан жиноят иши қўзғатилди.
АҚШ Эронга ядровий қурол ишлаб чиқаришдан сўзсиз воз кечиш эвазига бошқа имкониятни таклиф қилмоқда
«Мен Эронни бир кунда, ҳатто бир соатда йўқ қилиб юборишим мумкин эди, лекин хоҳламайман», — Трамп
Самарқандда 1956 йилда туғилган фуқаро яшаш уйида вафот этганлиги ҳолати юзасидан прокуратура текширув олиб бормоқда
