Сомалида АҚШ ҳарбийларига тегишли бўлган вертолёт портлаб кетди, қурбонлар бор

Сомалининг Могадишо шаҳридаги Аден-Адде халқаро аэропортида ҳарбий вертолёт ҳалокатга учради.

Бу ҳақда маҳаллий ОАВ хабар бермоқда.

Вертолёт Африка Иттифоқининг Сомалидаги миссиясига (ATMIS) тегишли бўлган, айрим манбаларга кўра, у АҚШ ҳарбий-ҳаво кучларига тегишли бўлган.

Маълумотларга кўра, вертолёт ҳалокат вақтида портлаган. Шунингдек, кўплаб қурбонлар ҳақида хабар берилган, аммо аниқ рақам ҳали тасдиқланмаган.

Расмийлардан ҳозирча ҳеч қандай расмий баёнот берилмаган.