Собиқ ҳакам - Мбаппенинг вазияти бўйича: "Бу пенальти эмас" (фото)

Собиқ ҳакам Павел Фернандес Килиан Мбаппе билан боғлиқ эпизодда пенальти берилмаслиги кераклигини таъкидлади.

Ла Лига 1-тури доирасидаги "Реал" - "Осасуна" (1:0) ўйинининг 50-дақиқасида мезбон жамоанинг ҳужумчиси жарима майдонининг ўнг қисмида Хуан Крусни алдамчи ҳаракат билан алдаб ўтмоқчи бўлди ва рақиб томонидан йиқитилди.

Бош ҳакам Адриан Вега ўн бир метрлик жарима тўпини белгилашга қарор қилди. Мбаппенинг ўзи аниқ зарба билан "Реал"ни ҳисобда олдинга олиб чиқди - 1:0.

"Аслида француз футболчининг ўзи "Осасуна" ҳимоячисининг оёғини босиб олди. Бу пенальти эмас," дея ёзди собиқ ҳакам.