Словакия Украинадаги урушни тинч йўл билан ҳал этишга қаратилган музокараларда иштирок этиш учун Европа Иттифоқининг махсус вакилини тайинлаш ташаббусини қўллаб-қувватлади.
Бу ҳақда мамлакат ташқи ишлар вазири Юрай Бланар «Известия» нашрига берган интервьюсида маълум қилди.
«Биз бу ғояни тўлиқ қўллаб-қувватлаймиз ва бошиданоқ унинг тарафдори бўлиб келганмиз», — деди Бланар.
Унинг таъкидлашича, махсус вакил номзоди можарода иштирок этаётган томонлар ҳамда тинчлик ташаббусларини илгари сураётган давлатлар учун мақбул бўлиши керак.
Словакия ТИВ раҳбари Украинадаги урушни ҳарбий йўл билан ҳал этиб бўлмаслиги ҳақидаги мамлакат ҳукумати позициясини яна бир бор таъкидлади. У Европа Иттифоқини тинчлик жараёнида ва Россия билан мулоқотда фаолроқ иштирок этишга чақирди.
Сунъий интеллект дунёдаги энг қиммат сурат муаллифлигини шубҳа остига қўйди
Россия Болтиқбўйи давлатларига қарши ядровий қурол қўллаши мумкин, агарда...
«Олтин тўп» сайти ғолиблар ҳақидаги мақолаларни адашиб эълон қилиб юборди (фото)
