“Сити” яна ҳимоячи олади

«Манчестер Сити» клуби ёзги трансферлар ойнасида таркибни ёшартириш ва мустаҳкамлаш ишларини тўхтатмоқчи эмас. TEAMtalk нашрининг хабарига кўра, «шаҳарликлар» айни дамда жамоанинг энг заиф нуқталаридан бири бўлиб турган ўнг қанот ҳимоясини кучайтириш устида бош қотирмоқда.

Нишонда — «Спортинг» юлдузи

Хосеп Гвардиоланинг рўйхатида биринчи рақамли номзод сифатида Лиссабоннинг «Спортинг» клуби вакили Иван Фреснеда қайд этилган. Қизиғи шундаки, «Сити»нинг янги спорт директори Уго Виана бу футболчининг имкониятларини беш қўлдай билади, чунки у айнан Португалия клубидан Манчестерга кўчиб ўтган эди.

Рақобат жиддий

Бироқ Гвардиола учун бу трансфер осон кечмайди. 21 ёшли испан учун курашга Лондоннинг «Арсенал» ва бойвачча «Ньюкасл» клублари ҳам қўшилган. Ҳар икки даъвогар мавсум якунланиши билан футболчини ўз сафига қўшиб олишга тайёр.

Фреснеданинг рақамлари:

• Ёши: 21 да

• Жорий мавсумдаги статистика: 31 ўйин, 1 гол ва 3 ассист.

• Шартнома муддати: 2028 йилгача.

• Трансфер нархи: Тахминан 12 миллион евро (Transfermarkt талқини бўйича).