“Сити” иқтидорли ўйинчисидан воз кечадиган бўлди

"Манчестер Сити" вингери Оскар Бобб жамоага Антуан Семеньо келса, клубни тарк этиши мумкин.

"Борнмут"нинг 25 ёшли ганалик футболчиси январь ойида "шаҳарликлар" сафига қўшилиши эҳтимоли юқори. talkSPORT хабарига кўра, бундай ҳолатда "Сити" шундоқ ҳам асосий таркибда кам майдонга тушаётган Боббнинг кетишини маъқуллайди. 22 ёшли норвегиялик футболчини Премьер-лиганинг яна икки вакили - "Кристал Пэлас" ва "Фулхэм" нишонга олган.

Transfermarkt экспертлари талқинига кўра, Оскар Боббнинг нархи 25 млн еврони ташкил этади. Футболчи жорий мавсумда Хосеп Гвардиола жамоаси сафида 15 та ўйинда битта самарали узатмани амалга оширди.