Сирдарёдаги боғчалардан бирида амалиётчи ходим болага игна санчиб қўрқитди

Сирдарё вилояти Сардоба туманидаги боғчаларнинг бирида боғчанинг амалиётчи ходими 6 ёшли болани жим қилиш мақсадида унга бир неча бор игна санчиб қўрқитган.

"Бу кун" информацион дастурида маълум қилинишича, болага игна санчган қиз касб-ҳунар коллежидан келган амалиётчи ходим бўлиб, у боғча опа ўрнига вақтинча болаларга қараб турган ва шу вақт мобайнида болани жим қилиш учун унга игна санчишдан фойдаланган. Кейин эса қиз қилган иши учун боланинг ота-онасидан кечирим сўраган. Шунингдек, экспертиза хулосасига кўра болага бир неча бор игна санчилгани тасдиқланиб, амалиётчи ходимга нисбатан БҲМнинг бир баравари миқдорида жарима жазоси тайинланган.