Сифатсиз дори-дармонлар туфайли 50 га яқин одамнинг ўлими юзасидан тергов олиб бормоқда

Нидерландия прокуратураси ёпиқ ноқонуний фармацевтика веб-сайтида сотиб олинган дори-дармонларни қабул қилиш натижасида 49 кишининг ўлимини тергов қилмоқда.

Бу ҳақда Reuters агентлиги хабар бермоқда.

Funcaps веб-сайти эгаларига қарши давом этаётган суд жараёнида прокурорлар 27 ёшнинг ўлими ва платформада буюртма берган маҳсулотлардан фойдаланиш ўртасида тўғридан-тўғри боғлиқликни кўришларини таъкидладилар.

Полиция маълумотлар базасини текшириш натижасида яна 22 та шунга ўхшаш ҳолат аниқланган. Охирги кунларда ўлганларнинг тўрт нафарининг ота-оналари ҳам веб-сайтдан дори-дармонлардан заҳарланишда гумон қилинганини хабар қилишди.

Веб-сайт эгалари август ойида лицензиясиз дори-дармонлар ва кучли таъсир кўрсатадиган дори воситаларини рецептларсиз сотишда гумонланиб ҳибсга олинган эди.

Терговчиларга кўра, улар, шунингдек, тақиқланган моддалар билан деярли бир хил бўлган, аммо расмий равишда қонуний бўлиб қолиш учун етарли даражада ўзгартирилган дори-дармонларни тарқатишган.