Швейцариянинг UBS банки: Дунёдаги энг бой оилалар долларга боғлиқликни камайтиришни бошлаган

Дунёнинг энг бой оилалари геосиёсий ноаниқлик ва давлат қарзининг ўсиши фонида АҚШ долларига сармоя киритишни қисқартирмоқда, деб хабар бермоқда Reuters Швейсариянинг UBS банки тадқиқотига таяниб.

Тадқиқот январь ойидан март ойининг охиригача олиб борилди. Унда бутун дунё бўйлаб UBSнинг 307 нафар мижози иштирок этди. Оилаларнинг ўртача соф капитали $2,7 млрдни ташкил этди.

UBS маълумотларига кўра, оилавий офисларнинг тахминан учдан икки қисми йил давомида захира валютаси сифатида долларга бўлган ишончнинг заифлашишини кутмоқда. Кўплаб оилалар ўз портфелларини қайта кўриб чиқдилар ва уларнинг деярли ярми ўз активлари долларга ҳаддан ташқари боғланган деган хулосага келди, деди UBS стратеги Максимилиан Кункел.

"Биз биринчи марта оилавий офислар Осиё-Тинч океани минтақасида ва маълум даражада Ғарбий Европада ўз мавқеини мустаҳкамлашга интилаётганини ҳис қилмоқдамиз," - дея тушунтирди UBS ижрочи директори Бенжамин Кавалли.

Эслатиб ўтамиз, баҳорда АҚШнинг давлат қарзи Иккинчи жаҳон урушидан бери биринчи марта Америка иқтисодиёти ҳажмидан ошиб кетди