Швейцария қабул қилинадиган украинaлик қочқинлар сонини чекламоқчи

Швейцария Украинадан келаётган қочқинларни қабул қилишни чеклашни режалаштирмоқда ва бу борада «норвегча модел»ни қабул қилади. Бу ҳақда мамлакатнинг SRF телерадиокомпанияси хабар берди.

🔹 Яқин кунларда Федерал кенгаш Украинадан келаётган қочқинларни қабул қилиш тартибини ўзгартириш ҳақида қарор қабул қилиши кутилмоқда. Ушбу чораларни 2023 йил декабрида парламент тавсия этган эди.

📍 Янги тартибга кўра, фақат Россия томонидан тўлиқ ёки қисман оккупация қилинган ҳудудлардан ёки «ўрта ёки юқори шиддатдаги» жанглар давом этаётган ҳудудлардан келган шахсларгина муҳофаза мақомини олади.

🔸 Швейцария бу борада Норвегия таснифини қабул қилади. Унга кўра, Украинадаги Ғарб ва марказий вилоятлар хавфсиз деб ҳисобланади. Киев, Одесса, Днепропетровск, Николаев, Запорожье, Харьков, Чернигов ва Сумы — хавфли ҳудудлар сифатида белгиланган.

📌 SRF таъкидлашича, Киев атрофидаги ҳудудларга келганда, Норвегия фақат шаҳарни хавфли деб ҳисобласа, Швейцария бу доирани кенгайтириши мумкин.

📊 Ҳозирда Швейцарияга келаётган украиналик қочқинларнинг тахминан учдан бир қисми мамлакатнинг «хавфсиз» ҳудудларидан келмоқда. Янги чекловлар жорий қилинса, уларга қочқин мақоми берилмайди.