Шимолий Корея ўзининг ядровий салоҳиятини кучайтирмоқда. Пхенян АҚШ ва унинг жанубий кореялик иттифоқдоши ўртасидаги ҳарбий ҳамкорликка қарши туриш учун "стратегик воситалар"дан фойдаланишини огоҳлантирди, дея хабар бермоқда Newsweek.
Nashr таъкидлашича, Ким Чен Иннинг тез-тез ракета синовларини ўтказиши ва ядровий салоҳиятни кенгайтириши КХДР ва Жанубий Корея ўртасидаги муносабатларни янада кескинлаштирган.
"Ҳозирда Пхенян чекланган миқдордаги қитъалараро баллистик ракеталарга эга бўлиб, улар бутун Шимолий Америка бўйлаб нишонларга зарба беришга қодир, деб ҳисобланмоқда. АҚШ ҳарбий-ҳаво кучларининг юқори лавозимли вакили яқинда бундай ҳар қандай ҳужум жиддий оқибатларга олиб келиши ҳақида огоҳлантирди," - дейилади нашрда.
Шунингдек, Пхенян президент Доналд Трамп маъмурияти аллақачон "АҚШнинг Корея Халқ Демократик Республикаси (КХДР) хавфсизлик вазиятига таҳдид солувчи провокацияларини" кучайтириб юборганини таъкидлади.
Хабарда таъкидланишича, ядровий тийиб туришга асосланган КХДР қуролли кучларининг жанговар қобилиятини ошириш "АҚШ ва бошқа душманларнинг стратегик таҳдидига стратегик воситалар билан қарши туриш" учун адолатли ва муқаррар вариантдир.
Россияликлар рекорд суръатда ўлмоқда
"Ўқишга кетяпман деб ўйлагандим..."
АҚШ Европага уч ҳафта вақт берди
