Европа комиссияси Шенген визаси учун стандарт тўловни 12 фоизга оширишни таклиф қилди. Бу ҳақда Россия туроператорлари уюшмаси (АТОР) хабар берди.
Комиссия таклифига кўра, катталар учун виза нархи ҳозирги 80 евродан 90 еврога, болалар учун эса 40 эвродан 45 еврогача оширилади. Бу жорий этилиши режалаштирилган виза тўлови оширилишини билдиради. Бундан ташқари, виза режимининг бузилиши ёки ноқонуний миграция сабабли Европадан қайтган фуқароларини реадмиссия (қайтариб олиш) қилиш бўйича Европа Иттифоқи билан ҳамкорлик қилмайдиган давлатлар учун тўловларни ошириш таклиф қилинмоқда.
Агар давлат реадмиссия бўйича етарлича ҳамкорлик қилмаса, унинг фуқаролари учун Шенген визаси нархи 120 евро (катталар учун) ва 160 евродан (болалар учун) мос равишда 135 эвро ва 180 еврогача кўтарилади.
Бундан ташқари, агар визанинг базавий қиймати 90 еврогача ошса, хизмат ҳақи ҳам 40 дан 45 еврога ошади.
Бироқ, Шенген визаси муддатини узайтириш нархи ўзгаришсиз қолади ва одатдагидай 30 еврони ташкил қилади.