Швециянинг Мальмё шаҳрида анъанавий "TePe Sigeman Chess Tournament 2026" мусобақаси старт олди.
Турнирда иштирок этаётган Нодирбек Абдусатторов илк турда хитойлик шахматчи аёл Жу Жинерга қарши қора доналарда ўйнади. Баҳс бошидан ҳамюртимиз вақт борасида устунликка эга бошлади. Жу Жинер 23-юришда қўпол хатога йўл қўйди. Абдусатторов унинг мазкур хатосидан фойдаланиб, рақибнинг битта пиёдасини уриб олди.
Нодирбек битта ортиқча пиёдга эга бўлгач, тез орада биттадан Фарзин ва Филларни алмаштириб олди. Кўп ўтмай, ватандошимиз рақибнинг яна бир пиёдаси уриб олиб, 2 та пиёда устунлигига эга бўлди. Натижада 38-юришга келиб хитойлик шахматчи таслим бўлди.
Абдусатторов эртага АҚШлик Энди Вудвордга қарши оқ доналарда ўйнайди. Ушбу рақиб бугун Нилс Гранделиусни мағлуб этиб, Нодирбек каби бир очкони қўлга киритди. Магнус Карлсен эса 1-турда Аожун Эригаисига қарши баҳсда дурангга имзо чекди.
АПЛ учун даҳшатли туш: «Манчестер Сити» чемпион бўлса-да, кубок «Арсенал»га топширилиши мумкин
Гвардиола ҳимоячисининг ўйинидан ҳайратда: «У дунёнинг энг яхшиларидан бирига айланмоқда»
«Реал» Мбаппе билан хайрлашадими?
