"Афтидан, шатдаунни тугатишга жуда яқинмиз. Биз ҳеч қачон мамлакатимизга келаётган маҳбуслар ёки ноқонуний муҳожирларга катта маблағлар, ҳатто умуман пул ажратишга рози бўлмаймиз. Ўйлайманки, демократлар буни тушунишган. Шатдаун яқинда тугайди, сиз буни тез орада билиб оласиз", — деди Доналд Трамп.
Аввалроқ АҚШ Сенати шатдаун тўхтатишга имкон берувчи қонун учун овоз бергани хабар берилган эди. Маълум қилинишича, 100 нафар сенатордан 60 нафари бу қонунни маъқуллаган. Демократлар ҳукуматни 2026 йил 30 январгача молиялаштиришни таъминлайдиган чора-тадбирлар пакетини қўллаб-қувватлашга рози бўлган
"Овоз бериш жараёни Демократлар партиясининг саккиз нафар марказчи сенатори республикачилар етакчилари ва Оқ уй билан келишувга эришганидан кейин бўлиб ўтди. Келишувга кўра, ҳукумат ишини қайта тиклаш эвазига арзон тиббий суғурта (Оbamacare) дастури бўйича кенгайтирилган субсидияларни узайтириш масаласи кейинчалик овозга қўйилади", дея хабар бермоқда CNN.
Энди бу келишувни Конгресс Вакиллар палатаси тасдиқлаши керак, шундан сўнг ҳужжат имзолааҳ учун президент Доналд Трампга юборилади.
2026 йилда ойлик, стипендия, пенсия ва нафақалар оширилади
Гулистон шаҳридаги овқатланиш шохобчасида портлаш рўй берди (видео)
Эронда 61 млн тонналик олтин захираси топилди
