Халқаро валюта жамғармаси (ХВЖ) АҚШда ҳукуматнинг қисман ёпилиши 2025 йилнинг тўртинчи чорагида мамлакат ялпи ички маҳсулоти ўсишига салбий таъсир кўрсатди, деб ҳисоблади.
Бу ҳақда ХВЖ матбуот котиби Жули Козак журналистлар учун ўтказилган навбатдаги брифингда маълум қилди.
"Шатдаунга келсак, биз кутамизки, шу сабабли 2025 йилнинг тўртинчи чорагида АҚШ иқтисодий ўсиши биз ўйлагандан камроқ бўлади. Тўртинчи чоракга салбий таъсир кўрсатади. Бу ЯИМда қисқариш бўлади дегани эмас. Биз 2026 йилнинг биринчи чорагида бироз ўсиш бўлишини кутмоқдамиз”, - деди Козак.
ХВЖ вакилининг таъкидлашича, "АҚШ иқтисодиёти сўнгги бир неча йил ичида барқарорликни намойиш этди". "Биз ҳозир кескинлик кучайиб бораётганини кўрмоқдамиз. Ички талаб пасайиб, бандлик ўсиши секинлашмоқда", - дея қўшимча қилди у. "Иммиграция оқимининг секинлашиши, тарифлар ва келажакдаги сиёсатга нисбатан кенгроқ ноаниқликларнинг комбинацияси иқтисодий фаолликка салбий таъсир кўрсатмоқда".
Козакнинг сўзларига кўра, мамлакатда инфляциянинг кўтарилиши хавфи кўп жиҳатдан тарифлар билан боғлиқ.
12 ноябрь оқшомида АҚШ президенти Дональд Трамп федерал ҳукуматни молиялаштиришни 2026 йил 30 январгача узайтириш ҳақидаги қонун лойиҳасини имзолади. Бу АҚШ тарихидаги рекорд даражадаги ёпилишнинг 43-кунидир.
2026 йилда ойлик, стипендия, пенсия ва нафақалар оширилади
Гулистон шаҳридаги овқатланиш шохобчасида портлаш рўй берди (видео)
Эронда 61 млн тонналик олтин захираси топилди
