Туркманистон Президенти, мамлакат Қуролли Кучлари Олий Бош Қўмондони Сердар Бердимуҳамедовга армия генерали ҳарбий унвони берилди. Туркманистон парламентининг тегишли қарори «Нейтрал Туркманистон» ҳукумат газетасида эълон қилинди.
Парламент қарорида қайд этилишича, бу қарор «Туркманистон Конституциясининг 81-моддасига мувофиқ» қабул қилинган.
27 январь куни Туркманистонда Ватан ҳимоячилари куни нишонланади.
Туркманистоннинг собиқ президенти, Гурбангули Бердимуҳамедов ҳам армия генерали ҳарбий унвонига эга.
