Сербиядаги ҳарбий заводда портлаш юз берди

Сербиядаги "Крушик" ҳарбий заводида портлаш юз берди, натижада бир неча киши касалхонага ётқизилди.

Бу ҳақда N1 телеканали хабар берди.

Қайд этилишича, ҳодиса оқибатида етти киши касалхонага ётқизилган.

ОАВ маълумотларига кўра, портлаш пентаеритритол тетранитрат (ўқ-дорилар ва улар учун қопқоқларни жиҳозлаш учун ишлатиладиган портловчи модда) босиш бўйича режалаштирилган ишлар вақтида содир бўлган.

Эслатиб ўтамиз, бир кун аввал Россия Ташқи разведка хизмати "Крушик" заводи гўёки Украина учун ўқ-дорилар ишлаб чиқараётганини маълум қилганди.