Сербияда Александр Вучич ҳукумати сиёсатини танқид қилувчи норозилик намойишлари кетма-кет учинчи тун давом этмоқда. Акциялар 30 дан ортиқ шаҳарда, жумладан Белград ва Нови-Садда бўлиб ўтмоқда.
📌 Сербияда оммавий норозиликлар тўққиз ойдан бери давом этмоқда. Намойишчилар Вучичнинг истеъфосини ва муддатидан олдин сайловлар ўтказилишини талаб қилмоқда.
Нови-Садда норозилар Вучичнинг ҳукмрон СНС (Сербия Прогрессив партияси) партиясига тегишли иккита офисни вайрон қилишди. Белградда эса, аксинча, Вучич тарафдорлари оппозиция тарафдорларини мушаклар ва салютлар билан ўққа тутган. Айрим жойларда ахлат қутисига ўт қўйилган ҳолатлар ҳам қайд этилган.
Ички ишлар вазирлиги маълумотларига кўра, 6 нафар полициячи жароҳат олган, 38 нафар намойишчи эса қўлга олинган. Президент Вучич телевидение орқали чиқишида янги ҳибсга олишлар бўлишини айтган ва «кўчаларни жиноятчилардан тозалаш»ни ваъда берди. У, шунингдек, Нови-Саддаги норозиларга қарши полициянинг ҳаракатини суст деб баҳолаб, уларни танқид қилди.
Норозиликларга асосий сабаб 2024 йил 1 ноябрь куни Нови-Саддаги яқинда таъмирдан чиққан вокзал биноси томи қулаши бўлди. Ҳодиса натижасида 16 киши ҳалок бўлган. Мустақил мутахассислар ва оппозиция бу фожиани Вучич ҳукуматидаги бефарқлик ва коррупция билан боғламоқда.
Машҳур актёр ўз квартирасидан ўлик ҳолда топилди
ФИФА Аргентина терма жамоасини 2026 йилги жаҳон чемпионатидан четлаштириши мумкин
Қаршида саунада фаолият юритган фоҳишахона аниқланди
