Сербия президенти Александр Вучичнинг айтишича , Белград адашиб, Украина бўйича БМТ резолюциясини қўллаб-қувватлаган ва фуқаролардан кечирим сўраган.
“Менимча, бугун Сербия хато қилди. Фуқаролардан узр сўрайман ва айбни ўз бўйнимга оламан”, деди Вучич Happy TV телеканалида.
Унинг тушунтиришича, Сербия Америка резолюцияси бўйича овоз бериш пайтида бўлгани каби бетараф бўлиши керак эди. “Биз Америка резолюциясига тўғри овоз бердик – бетараф қолдик. Европа резолюциясига нисбатан ҳам шундай қилиш керак эди”, — дея қўшимча қилди президент.
Вучич Сербия Россия ёки АҚШга хайрихоҳлик кўрсатмаслиги кераклигини, аммо бетараф қолиш унинг манфаатларига мос келишини таъкидлади.
Бирлашган Миллатлар Ташкилоти Бош Ассамблеяси Украина ва Европа давлатлари таклиф қилган, адолатли тинчлик ўрнатиш, Россия қўшинларини олиб чиқиш ва ҳарбий ҳаракатларни тўхтатишга чақирувчи резолюцияни қабул қилди. Ҳужжатни 93 давлат қўллаб-қувватлади, 18 давлат қарши овоз берди, 65 давлат бетараф қолди.
Россияликлар рекорд суръатда ўлмоқда
Дунё аҳолиси энг кўп бўлган мамлакатлардан бири: Россиядан кўп аҳолиси бор, аммо майдони 115 марта кичик
АҚШ Европага уч ҳафта вақт берди
