Сенегалда президентлик сайлови қолдирилгани муносабати билан норозилик намойишлари бошланди.
Намойишчилар гуруҳлари пойтахтнинг асосий магистралларидан бирининг турли нуқталарида транспорт ҳаракатини тўсиб қўйган. Сенегал полицияси намойишчиларни тарқатишга ҳаракат қилмоқда.
Мамлакатда президентлик сайлови дастлаб 25 февралга белгиланган эди, бироқ амалдаги президент Макки Салл сайловни номаълум муддатга қолдиришга қарор қилди.
