Саудиянинг «Ал-Аҳли» клуби «Реал» дарвозабони Тибо Куртуа ва «Манчестер Сити» ҳимоячиси Кайл Уокерга қизиқиш билдирмоқда.
Таъкидланишича, дарвозабонни сотиб олиш осон бўлмайди. Бельгиялик футболчи «Реал» билан амалдаги шартномага эга ва аввалроқ фаолиятини охиригача шу ерда ўйнаш исташини билдирган эди. Шунингдек, унинг товон пули 700 миллион еврони ташкил этади.
34 ёшли Уокер билан вариант эҳтимоли кўпроқ кўринади. Инглизнинг шартномаси 2026 йилгача амал қилади.
