Саудия Арабистонида ичида одамлар бўлган аттракцион қулаб тушди

Саудия Арабистонида ичида одамлар бўлган аттракцион қулаб тушди. Бу ҳақда SHOT хабар бермоқда.

Фавқулодда ҳодиса Таифдаги “Грин Маунтин” хиёбонида содир бўлди. “360 даража” аттракциони ҳаракат пайтида ярмига қулаб тушди.

Кадрларда аттракцион тебраниб, бир неча марта юқорига кўтарила бошлаганини кўриш мумкин. Шу пайт унинг марказий рамаси иккига бўлинган ва одамлар ўтирган платформа ерга қулаб тушади.

Аттракцион одамлар билан бутунлай тўлган эди. Одамлардан бири аттракцион қулаб тушганда бир неча метр узоқликка йиқилиб тушган.

Маҳаллий ОАВ маълумотларига кўра, 23 киши жабрланган, улардан уч нафарининг аҳволи оғир, деб хабар беради rg.ru.