Ошқозон ости бези ва йўғон ичак саратонига қарши ELI-002 2P деб номланган вакцина клиник синовларда далда берувчи натижаларни кўрсатиб, бундай ташхис қўйилган беморларга умид бахш этади. АҚШнинг бир қанча тадқиқот марказлари олимлари томонидан ишлаб чиқилган вакцина меъда ости бези саратонининг 93 фоизида ва йўғон ичак саратонининг 50 фоизида учрайдиган гендаги мутацияларга мўлжалланган.
Препарат фаол компонентни тўғридан-тўғри лимфа тугунларига етказиб бериш тизимидан фойдаланади, бу эса иммун тизимининг турли хил иммунитет ҳужайралари тўпланган жойларига аниқ таъсир кўрсатишга имкон беради.
Синовда ўсмаларини олиб ташлаш учун операция қилинган, аммо кейинги тестларда потенциал релапс белгиларини кўрсатган 20 та ошқозон ости бези саратони ва 5 та йўғон ичак саратони билан оғриган беморлар иштирок этди.
Инъекциялардан сўнг иштирокчиларнинг 84 фоизи мутацияга учраган генга хос Т ҳужайраларини ишлаб чиқди. Беморларнинг 24 фоизида ўсимта излари бутунлай йўқолди.
Хитойликлар аёл ўрнини боса оладиган робот ихтиро қилди
АҚШ Россияга қурол-яроғ бўйича келишувни музокаралар учун "рағбат" сифатида таклиф этиши мумкин
Алла Пугачёва Россия фуқаролигидан воз кечмоқчи
