Virgin Australia самолёти бортида ёнғин содир бўлди. Салон тезда тутунга тўлди, бироқ экипаж ёнғинни муваффақиятли ўчирди ва хавфсиз қўнишга муваффақ бўлди. Ёнғинга бир аёл кишининг сумкасидаги повер-банк сабаб бўлган.
Ҳодиса Сиднейдан Хобартга учаётган VA1528 рейсида юз берди. Экипаж ёнғинни ўт ўчиргичлар билан тезда ўчиришди, йўловчилар ҳам ичимлик сувини сепиб, кўмаклашишди. Ёнишдан заҳарланган бир кишига тез тиббий ёрдам кўрсатилди.
Кўпгина замонавий портатив ускуналар, жумладан, повер-банклар литюм батареялар билан ишлайди, агар улар нуқсонли ёки ҳаддан ташқари қизиб кетган бўлса, ўчириш қийин бўлган кимёвий ёнғинга олиб келиши мумкин. Ёпиқ самолёт салонида бу айниқса хавфлидир.
Шунинг учун уларни фақат қўл юкида олиб юришга рухсат берилади, аммо бу ҳам хавфли экан. 2018-йилдан буён бундай ҳодисалар сони уч баробардан кўпроққа ошди. 2006-йилдан буён самолётлар бортидаги техника билан боғлиқ 636 та ёнғин қайд этилган. Булар асосан электрон сигареталар, телефонлар ва ноутбуклардан келиб чиққан.
Пўлат Бобожонов лавозимидан озод этилди, Абдусалам Азизов янги лавозимга тайинланди
Telegram’да янги функция пайдо бўлди (фото)
UFC жангчиси Шавкат Раҳмоновнинг рафиқаси 10 йилга қамалиши мумкин
