Самарқанд туманида 1,1 млрд сўмлик табиий газдан ноқонуний фойдаланган паррандачилик фермаси фош этилди

Самарқанд вилояти прокуратураси, “Ўзэнергоинспекция” ҳудудий бошқармаси ва газ таъминоти корхонаси ҳамкорлигида Самарқанд туманида ўтказилган назорат тадбирида “S. I. D.” оилавий корхонасига қарашли паррандачилик фермасида шартнома ва лойиҳа ҳужжатларисиз, ўзбошимчалик билан тармоққа уланиб, табиий газдан фойдаланиб келаётгани аниқланди.

Ушбу қоидабузарлик натижасида, газ таъминоти корхонасининг дастлабки ҳисоб-китобларига кўра, 1 миллиард 102 миллион сўмлик зарар етказилгани маълум бўлди.