Сакен Пўлатов янги лавозимга сайланди

Ўзбекистон бокс федерацияси раиси биринчи ўринбосари Сакен Пўлатов Asian Boxing ташкилотининг вице-президенти лавозимига сайланди.

Бу ҳақда Ўзбекистон Бокс федерацияси ахборот хизмати маълум қилди.

Бугун Таиланднинг Бангкок шаҳрида Asian Boxing ташкилотининг навбатдаги конгресс йиғилиши ташкил этилди. Унда Осиё қитъаси боксининг келажакдаги режалари кўриб чиқилиб, ушбу ташкилот раҳбарятига номзодлар сайланди.

Унга кўра Asian Boxing ташкилотининг президенти этиб, амалдаги раҳбар таиландлик Пичай Чунхаважира қайта сайланди.

Ундан ташқари ташкилотга вице-президент номзоди овозга қўйилди. Ушбу лавозимга Қозоғистон, Япония, Филиппин вакиллари ва Ўзбекистон бокс федерацияси раисининг биринчи ўринбосари Сакен Полатов номзодлар қўйилган эди.

Якунда Сакен Полатов ушбу лавозимга сайланди. Аёллар йўналишида вице-президентлик фаластинлик Фатима Жбара Аҳмед Фақеятга насиб этди.