"Мени президент этиб тайинлаш — мамлакатимизга керак бўлган аниқ қарор"

Ирландиялик ММА жангчиси, UFC собиқ чемпиони Конор Макгрегор 2025 йил ноябрида бўлиб ўтадиган президентлик сайлови арафасида ватандошларига мурожаат қилди.

"ИРЛАНДИЯ! Мендаги пулларнинг чегараси йўқ ва бутун ҳаётим, ҳатто меросим ҳам — бир ерда. “Президент Макгрегор” нима дегани? Бу:

1) Мени сотиб олиб бўлмайди;

2) Мени шантаж қилиб бўлмайди;

3) Мен етарлича бойман ва мени ҳеч ким сотиб ололмайди;

4) Мен террорчилар билан музокара ўтказмайман ва ҳеч қачон таҳдидларга бош эгмайман. Бу аллақачон аниқ бўлган!

Менга фарқи йўқ. Мени президент этиб тайинлаш — мамлакатимизга керак бўлган аниқ қарор. Мен — даволовчиман.

Биламан, бу гўё ақлбовар қилмас гапдек эшитилади, лекин бу — ҳақиқат. Сиз менга тўсиқ қўйишга уринган арзимас қўлни кўряпсиз. Ишонинг, мен сиз тасаввур қила оладиган даражадан ҳам кучлироқман. Мен гап учун гапирмайман. Менда ажойиб жамоа бор ва биз номзодлар рўйхатида бўламиз. Ва биз ғалаба қозонамиз.

Мен сиздан нима сўрайман? Конор Макгрегорга овоз беринг!" — деб ёзди юлдузли жангчи “Х” ижтимоий тармоғида.