Ижевск шаҳридаги мактабда содир бўлган отишма натижасида 15 киши ҳалок бўлди, улардан 11 нафари болалар эди. 24 киши (22 бола) жароҳатланган.
Қирғизистон раҳбари фожиали хабарни катта таассуф ва ҳамдардлик ҳисси билан қабул қилганини таъкидлади.
Жапаров Қирғизистон халқи номидан Россия раҳбари ва ҳалок бўлганларнинг яқинларига ҳамдардлик билдирди, жароҳатланганларнинг тезроқ соғайиб кетишини тилади.
Маълум бўлишича, мактабга ҳужум қилган шахс жиноятдан сўнг ўз жонига қасд қилган. У шу мактаб битирувчиси, деди улар Россия Федерацияси Тергов қўмитасида.
