Қирғизистон раҳбари Садир Жапаров 11,6 йиллик қамоқ жазосига ҳукм қилинган собиқ президент Алмазбек Атамбаевни афв этишга тайёрлигини билдирди.
“Кабар” агентлигига берган интервюсида президент суд қарорини ўзгартира олмаслигини, лекин кечиришга ҳақли эканини айтди.
"Тегишли ариза билан мурожаат қилсалар, кечиришим мумкин. Қўйтош воқеаларидан бери олти йил ўтди. Ҳаммаси совиб кетди. Ўйлайманки, суд унчалик қаттиқ бўлмаган бўлиши мумкин. Албатта, бу таъкидланган фикр эмас, балки менинг шахсий фуқаролик позициям: улар синов ёки жарима билан чекланишса яхши бўларди", - деди Жапаров.
Аввалроқ Бишкек суди Алмазбек Атамбоевни Қўй-Тош қишлоғидаги ерларни ноқонуний ўзлаштирганлик, иссиқлик электр стансиясини модернизация қилиш вақтида бойиб кетганлик ва Қўй-Тошдаги оммавий тартибсизликлар уюштирганликда айбдор деб топиб, сиртдан 11,6 йилга озодликдан маҳрум қилгани маълум бўлган эди.
Даҳшат! Вафот этган 88 ёшли аёл тобутда ҳушига келди
БАА бош мураббийи мухлисларга мурожаат билан чиқди
Ҳиндистон чўкиб кетмоқда - ярим миллиондан ортиқ қурбонлар
