Грузиянинг собиқ президенти Михаил Саакашвили 2008 йилда Франциянинг собиқ президенти Николя Саркозининг Жанубий Осетиядаги можарони ҳал қилиш режасига баҳсли ҳудудлар мақоми ҳақидаги бандни киритиш таклифини рад этганини маълум қилди.
«2008 йилда Москва орқали Франция президенти Николя Саркози бизга учиб келди, у олти банддан иборат режани олиб келди, у ерда Россиянинг илтимосига биноан олтинчи банд қўшилган ва қуйидагича эди: »Абхазия ва Жанубий Осетиянинг баҳсли ҳудудлари мақоми бўлажак халқаро музокаралар натижасида аниқланиши керак," — деб ёзди Саакашвили Фаcэбоокъда.
Унинг қайд этишича, Грузия томонининг Саркозининг таклифига жавоби қатъий бўлган: «Биринчидан, ҳудудлар баҳсли эмас. Иккинчидан, уларнинг мақоми Грузия ичида ва унинг таркиби доирасида ҳал қилинади ва биз еримизни камтик қилишга йўл қўймаймиз».
Саакашвилининг сўзларига кўра, Саркози унга эҳтимолий оқибатлар билан таҳдид қилган, аммо шунга қарамай, у барибир шартномани бундай шаклда имзолашдан бош тортган. Бир неча соатлик тортишувлардан сўнг, Саакашвилининг сўзларига кўра, Россиянинг ўша пайтдаги президенти Дмитрий Медведев қўнғироқ қилиб, олтинчи банддан баҳсли ҳудудлар мақоми ҳақидаги эслатмани олиб ташлашга рози бўлган.
2008 йил 12 августда Саркози воситачилигида Грузия ва Россия олти бандлик Медведев-Саркози режаси деб номланувчи сулҳ битимини тузди. У можаронинг барча иштирокчиларини куч ишлатишдан воз кечишни, ҳарбий ҳаракатларни тўлиқ тўхтатишни, Грузия армиясини доимий жойлашган жойларига қайтаришни, Россия армиясини эса жанговар ҳаракатлар бошланишидан олдинги чизиққа қайтаришни назарда тутган.
Пенсия ёши ошиши ҳақидаги гап-сўзларда жон борми?
Дунёдаги энг катта ҳаво кучларига эга 5 та давлат
1 октябрда ўқитувчиларга қанча мукофот пули тўланиши керак?
