АҚШ Давлат котиби Марко Рубио ва АҚШ президентининг махсус вакили Стив Уиткофф ўртасида Россия ва Украина билан музокаралар бўйича жиддий келишмовчиликлар мавжуд.
Бу ҳақда NBC News манбаларга таяниб хабар берди.
Қайд этилишича, АҚШ президенти Дональд Трамп маъмуриятининг икки юқори мартабали аъзоси Россия-Украина урушининг ижобий якунланиши борасида турлича қарашларга эга. Рубио тинчликка эришиш учун Россияга ҳарбий ва иқтисодий босимни кучайтириш зарур, деб ҳисобласа-да, Уиткофф Украинанинг фаолроқ ён беришини маъқуллайди.
Хусусан, NBC News телеканали хабарига кўра, Рубио Женевада Украина вакиллари билан музокараларда иштирок этишни режалаштирган, бироқ Уиткофф давлат котибини четлаб ўтиш ва музокараларни дипломатсиз олиб бориш учун у ерга ундан аввалроқ борган.
Охир оқибат, Давлат котиби Женевага ўз вақтида етиб келди ва музокараларда иштирок этди. Манбалар келтирган яна бир мисол, Уиткоффнинг апрель ойида Франция президенти Эммануэль Макронга Украина бўйича музокаралар учун сафари бўлиб, Марко Рубио унга қўшилишга ҳаракат қилган. Давлат котиби муваффақиятга эришди, бироқ унинг Уиткофф билан суҳбати дипломат учун "хўрловчи воқеа" бўлди.
Бундан ташқари, NBC News манбалари таъкидлаганидек, Давлат департаментида кўпчилик Уиткоффни ҳимояланмаган алоқа каналларидан фойдалангани ва умуман хавфсизлик масалаларига эътибор бермагани учун танқид қилади. Телеканал манбаларидан бирининг таъкидлашича, Уиткофф дипломатик соҳада ҳаваскор ва "Россияга ҳақиқий совға".
АҚШ Давлат департаменти матбуот хизмати Марко Рубио ва Уиткофф ўртасида ҳеч қандай келишмовчиликлар бўлмаганини таъкидлади.
Россиянинг “таслим бўлиш” таклифи ҳақида маълум қилинди
Қобилжонни ким ўлдирди? Россияда содир этилган мудҳиш қотилликнинг асл айбдори айтилди
Россия дарҳол ҳарбий ҳаракатларни тўхтатишга тайёр,
