Украинага Америка қуролларини етказиб бериш, умуман олганда, Вашингтон маъмурияти ва АҚШ Конгресси ўртасида келишилган жадвалга мувофиқ давом этмоқда.
Бу ҳақда АҚШ давлат котиби, АҚШ президентининг миллий хавфсизлик масалалари бўйича ёрдамчиси вазифасини бажарувчи Марко Рубио маълум қилди.
"Умуман олганда, Украинага ёрдам Конгресс томонидан тасдиқланган жадвал бўйича давом этмоқда”, — деди у Куала-Лумпурда Россия ташқи ишлар вазири Сергей Лавров билан ўтказилган икки томонлама учрашув якунлари бўйича ўтказилган матбуот анжуманида Вашингтоннинг Киевга ҳарбий етказиб беришдаги сўнгги паузасини изоҳлар экан.
“Охир оқибат, шуни айтишим мумкинки, АҚШ томонидан Украинага кўрсатилаётган ҳарбий ёрдамнинг катта ҳажми ҳеч қачон тўхтатилмаган; у илгари амалда бўлган жадваллар бўйича ажратилмоқда”, — дея таъкидлади Рубио.
Унинг сўзларига кўра, "ўқ-дориларнинг айрим турларини (АҚШда мавжудлиги) жуда чекланган кўриб чиқиш" бор эди. "Бизда етарли захиралар мавжудлигини таъминлаш учун. Бу кўриб чиқишлар содир бўлганда, табиийки, қисқа пауза бўлади (хорижга қурол-яроғ жўнатишда)," деб тушунтирди Давлат котиби.
Россия санкциялар билан таҳдид қилмоқда: нишонда Ўзбекистон ҳам бор!
Қозоғистонда 1 миллионга яқин сайғоқни отишга қарор қилишди
Мирзабек Холмедов янги лавозимга тайинланди
