Россия ҳарбийларининг Украинанинг Харьков шаҳрига ракета ҳужуми уюштири оқибати ҳалок бўлганлар сони 4 нафарга етди.
Бу ҳақда шаҳар ҳокимлиги раҳбари Игорь Терехов маълум қилди.
Унинг сўзларига кўра, Харьковда 2 январь куни шаҳар марказида ракета зарбаси содир бўлган жойда иккинчи кундирки узлуксиз қидирув-қутқарув операцияси давом этмоқда. Бугун вайрон бўлган бинолар вайроналари остидан яна икки қурбоннинг жасади топилди. Тереховнинг сўзларига кўра, ракета зарбаси оқибатида яраланганлар сони ҳозирда 31 нафарга етган.
Фожиа жойида қутқарув ишлари давом этмоқда.
Полиция маълумотларига кўра, вайроналар остида яна уч киши кўмилиши мумкин; 2 январдан бери улар билан боғланмаган ва бедарак йўқолган деб ҳисобланади.
