Россиянинг Украинага қарши уруши 50 кун ичида ҳал бўлмаса, АҚШ Москвага иккиламчи божлар жорий этади

АҚШ президенти Дональд Трамп Россияга нисбатан 50 кундан тезроқ иккинчи даражали божлар жорий этилишини истисно қилмаслигини айтди.

Бу ҳақда сешанба куни Bloomberg агентлиги хабар берди.

"Россия учун белгиланган муддат 50 кундан тезроқ келиши мумкин", — дея президентнинг сўзларидан иқтибос келтиради агентлик.

Душанба куни Трамп Россиянинг Украинага қарши урушини 50 кун ичида ҳал қилиб бўлмаса, Қўшма Штатлар Россияга иккиламчи божлар жорий этишини айтди. Кейинчалик унинг маъмурияти бу чоралар нефтга таъсир қилишини тушунтирди.

Трамп, шунингдек, уруш нуқтаи назаридан на Москвани, на Киевни қўллаб-қувватламаслигини айтди. "Мен ҳеч ким томонида эмасман", - дея Америка президентининг сўзларини келтиради агентлик.

Шу билан бирга, қатор Ғарб ОАВларининг ёзишича, Трамп, унинг фикрича, Украина томони “Москвани нишонга олиши шарт эмас”лигини таъкидлаган.