Россиянинг Тернопил шаҳрига уюштирган ҳужуми оқибатида ҳалок бўлганлар сони ортиб бормоқда

Россиянинг Украина ғарбидаги Тернопил шаҳрига берган ҳаво ҳужуми оқибатида ҳалок бўлганлар сони 28 кишига етди.

Бу ҳақда маҳаллий Фавқулодда вазиятлар хизмати матбуот хизмати ўзининг Telegram-каналида маълум қилган.

Маълумотларга кўра, қутқарувчилар Россия ҳаво кучлари кўп қаватли уйга зарба берган жойда вайроналар остидан яна бир жабрланувчининг жасадини олиб чиққан. Шу тариқа қурбонлар сони 28 нафарга етди, улардан уч нафари ёш болалар.

"94 киши тан жароҳати олди, 16 киши бедарак йўқолган деб ҳисобланади", — дейилади ФВВ хабарида.