28 июль куни “Аэрофлот” авиакомпанияси ахборот тизимларида жиддий носозлик юзага келганини эълон қилди. Техник муаммо сабабли ҳозиргача камида 50 та рейс бекор қилинди. Бекор қилинган парвозлар орасида Санкт-Петербург, Екатеринбург, Калининград, Қозон, Минск ва Ереван йўналишлари бор.
Хакерлик ҳужуми учун жавобгарликни Silent Crow ва Cyberpartisans BY номли хакерлар гуруҳи зиммасига олди. Уларнинг баёнотига кўра, “Аэрофлот”нинг 7000 та сервери бузиб кирилган, 20 терабайтга яқин маълумот ўғирланган. Улар парвозлар тарихи, CRM базалари, раҳбарият компютерлари, ички ёзишмалар ва аудиёёзувларга тўлиқ киришганини билдиришди.
Компания ҳужум ортидан рейслар кечиктирилиши ёки бекор қилиниши мумкинлигини огоҳлантирди. Йўловчиларга аэропортлардаги эълонлар, ахборот таблолари ва расмий сайтлар орқали маълумотларни доимий кузатиб бориш тавсия этилди. Москвадаги Шереметево аэропортида узоқ навбатлар юзага келгани хабар қилинмоқда.
"Аэрофлот" ўз хизматларини имкони борича тез тиклаш устида иш олиб бормоқда. Хакерлар эса қўлга киритилган маълумотларнинг бир қисмини тез орада эълон қилишга ваъда беришган. Мазкур ҳужум Россиянинг энг йирик авиакомпаниясини ахборот хавфсизлиги борасида жиддий таҳдид остида қолдирди.
Пўлат Бобожонов лавозимидан озод этилди, Абдусалам Азизов янги лавозимга тайинланди
Самарқандда можарога сабаб бўлган бинони бузиш бошланди (видео)
Султон Али Раҳматов оламдан ўтди
