«Локомотив»нинг собиқ футболчиси Дмитрий Сичёв Ўзбекистон терма жамоаси бўлажак 2026 йилги жаҳон чемпионатида плей-офф босқичига чиқа олиши мумкинлиги ҳақидаги саволга жавоб берди.
«Менга барчасининг иложи бордек туюлмоқда. Ўйлашимча, улар гуруҳдан чиқиш учун курашишади — балки биринчи ўрин билан эмасдир, лекин иккинчи ёки учинчи ўрин учун аниқ ҳаракат қилишади», — дея Сичевнинг сўзларини келтирмоқда «Metaratings» нашри.
Шу билан бирга, эксперт бу ерда кўп нарса Ўзбекистоннинг гуруҳдаги асосий етакчига қарши кечадиган ўйини натижасига боғлиқ бўлишини таъкидлади. Қуръа натижаларига кўра, Фабио Каннаваро шогирдлари K гуруҳида ДР Конго, Колумбия ва Португалия терма жамоалари билан куч синашади.
Таъкидлаш жоизки, АҚШ, Канада ва Мексикада бўлиб ўтадиган навбатдаги жаҳон чемпионати Ўзбекистон учун дебют ҳисобланади. Турнир 11 июнь куни Мексика ва Жанубий Африка ўртасидаги ўйин билан старт олади.
Жаҳон чемпионатининг энг қиммат терма жамоалари рейтинги эълон қилинди
«Олтин тўп»га даъвогарлар: Goal ЖЧ олдидан рейтингини янгилади
«Барселона» юлдуз футболчисидан кўнгли қолди ва уни сотишга қарор қилди
