Россиялик миллиардер Пётр Авен санкциялар остида ўтаётган ҳаёти ҳақида гапирди

Россиялик миллиардер Пётр Авен Financial Times нашрига санкциялар остида ўтаётган Буюк Британиядаги ҳаёти ҳақида қуйидагиларни сўзлаб берди:

— Бизнинг бизнесимиз синди. 30 йил давомида нимагаки эришган бўлсак, бари бутунлай вайрон бўлди. Биз қандайдир тарзда янги ҳаёт бошлашимиз керак;

— Биз қонуний жиҳатдан бизнес юрита олмаймиз. Улар [шериклар] мен билан шахсан учрашишдан чўчийди. Биз ҳокимиятдан жуда қўрқамиз;

— Мен фаррош ёки ҳайдовчи ёллаш ҳуқуқига эгаманми? Ўзим ҳайдай олмайман... Биз қандай қилиб кун кечиришга ҳам ўйланиб қолдик;

— Британиялик ҳуқуқшунослар руслар билан ишлашни хоҳламаяпти. Менга жорий қилинган санкцияларни ўзгартириш деярли мумкин эмаслиги айтилмоқда;

— Фақат [Россия] президент билан учрашгани учун санкциялар остида қолиш жуда ғалати. Биз сиёсатдан мутлақо четда қолишга ҳаракат қиламиз. Путин билан учрашувларда мен шахсан эмас, балки Альфа гуруҳи вакили бўлганман;

— Санкция қўлланилиши тушунарли. Лекин бу адолатдан эмас. Бироқ, инсонлар ҳалок бўлаётган бир пайтда, мен шикоят қила олмайман.