Россиянинг Украинага босқинидан сўнг кетган "Первый канал"нинг собиқ ходими Жанна Aгалакова Владимир Путиндан олинган Россия давлат мукофотларидан воз кечганини маълум қилди.
Гап Aгалакова 2006 йилда олган II даражали "Ватанга хизматлари учун" ордени ва 2018 йилда "Дўстлик" ордени билан тақдирлангани ҳақида бормоқда.
Aгалакованинг ижтимоий тармоқлардаги хабарига кўра, у мукофотларни Кремлга почта орқали жўнатган ва қуйидаги матнли откритка илова қилган:
"Жаноб Президент,
Сизнинг раҳбарлигингиз мамлакатни тубсизликка олиб бормоқда.
Мен сизнинг мукофотларингизни номақбул деб биламан".
Жанна Aгалакова
21 сентябрь куни Владимир Путин Россияда "қисман сафарбарлик" ҳақида эълон қилди ва Украинада Россия қуролли кучлари гўёки "нафақат [Украина] неонацист тузилмаларига, балки бутун Ғарбнинг коллектив ҳарбий машинасига" тўқнаш келганини тушунтирди. Расмийлар 300 000 кишини чақирмоқчи эканлигини айтишди.
АҚШда Украина ҳақида кутилмаган баёнот берилди
Эрон зарбаси катта зарар етказмади, лекин...
Путин ва Илҳом Алиев темир йўл соҳаси фахрийлари ва ходимлари билан учрашув ўтказди
