Европа Иттифоқининг Россияга қарши 20-санкциялар пакети энергетика соҳаси, савдо ва молиявий хизматларга тааллуқли бўлади. Бу ҳақда Европа комиссияси раиси Урсула фон дер Ляйен махсус баёнот билан чиқди.
У аъзо давлатларни янги санкцияларни тез фурсатда тасдиқлашга чақириб, бу Украинага қаратилган қатъий қўллаб-қувватлашнинг навбатдаги сигнали бўлишини таъкидлади.
Фон дер Ляйеннинг маълум қилишича, янги пакет доирасида Россия нефтини ташишда қўлланилаётган яна 43 та танкерга чекловлар жорий этилади. Шу билан «соя флоти»га киритилган судлар сони 640 тага етказилади. Шунингдек, Россия нефтини денгиз орқали ташишга тўлиқ тақиқ қўйилиб, уни транспортировка қилишга хизмат кўрсатиш ҳам ман этилади.
Баёнотда қайд этилишича, ЕИ Россиянинг танкерлар сотиб олиш имкониятларини чеклаб, газ ташувчи кемалар ва музёрарлар учун техник хизмат кўрсатишга кенг кўламли тақиқлар жорий этади. Бу чоралар Россиянинг газ экспорт лойиҳаларига қўшимча зарба беришга қаратилган.
Бундан ташқари, янги санкциялар пакети Россия банк тизимини янада чеклаш ва унинг альтернатив тўлов каналлари яратиш имкониятларини қисқартиришни ҳам назарда тутади.
Қорақалпоғистондаги “Борсакелмас” қўриқхонаси фотоқопқонига қорақулоқ муҳрланди
"Шайтон трусик": Инстаграмда ички кийимларини беҳаё реклама қилдирган тадбиркорнинг иши судга оширилди
“Уч дара” — дунёдаги энг катта қувватга эга тўғон
