Россияда Ўзбекистон фуқароларини сохта рўйхатга олган аёл 5 йилга озодликдан маҳрум этилиши мумкин

Твер вилояти, Удомле шаҳрида 63 ёшли маҳаллий аёлга нисбатан жиноий иш очилди.

Полиция маълумотларига кўра, у тўрт нафар Ўзбекистон фуқаросини сохта рўйхатга олиш учун Липний қишлоғидаги манзилини кўрсатган.

"Комсомольская правда" нашри хабарига кўра, текширув чоғида унинг уйида хорижликлар аслида яшамагани маълум бўлди.

Унинг хатти-ҳаракатлари Россия Федерацияси Жиноят кодексининг 322.3-моддаси - чет эл фуқаросини сохта рўйхатга олиш бўйича жиноят ҳисобланади. Аёлни беш йилгача озодликдан маҳрум қилиш тарзидаги жиноий жазо кутмоқда.