Карелияда Су-30 самолёти ҳалокатга учради.
Бу ҳақда Россия Мудофаа вазирлиги маълум қилган.
"Кеча, Москва вақти билан тахминан 19:00 да Су-30 самолёти режалаштирилган ўқув парвозини амалга ошираётган вақтда Карелия Республикасида ҳалокатга учради", — дейилади Мудофаа вазирлиги хабарида.
Вазирликнинг қўшимча қилишича, самолёт экипажи ҳалок бўлган.
Самолёт аҳоли яшамайдиган ҳудудга қулаган ва ўқ-дориларсиз парвоз қилган.